«Бомба» водата во пластичните шишиња (Real News)

Загриженост во Грција предизвикаа резултатите од меѓународно истражување, според кое повеќе од 90% од шишињата со флаширана вода содржат микроскопски парчиња пластика, кои на крајот „стигнуваат“ до потрошувачот.

Според истражувањето на непрофитната организација Orb Media, микропластичните честички кои се пронајдени во флашираната вода се речиси двојно повеќе во количина во однос на оние кои се пронајдени во водата од чешма. Наодите предизвикуваат интензивна загриженост, особено во нашата земја, каде што потрошувачката на флашираната вода е многу голема, особено во летните месеци.

Во Грција

Говорејќи за Realnews, грчки научници наведуваат дека загриженоста е оправдана, бидејќи траговите од пластиката можат, под одредени услови, лесно да преминат во водата, додека систематската консумација може да предизвика проблеми во човечкиот организам. Дополнително, споменуваат за потребата од заострување на контролите и оптимизација на начинот на производство и складирање на флаширана вода. „Во Грција теоретски се спроведуваат чести контроли кои вклучуваат и откривање на остатоци од пластика. Сепак, понекогаш може да има неуспех во процесот на пластикација, што може да доведе до деполимеризација на пластиката. Нешто такво може да предизвика дифузија на супстанции во водата“, наведува професорот за хигиена на Универзитетот во Патра, Михаил Леоцинидис.

Во меѓународното истражување спроведено од научниците на Државниот универзитет на Њујорк, предводени од професорката по хемија Шери Мејсон, анализирани се примероци од 259 шишиња вода од девет земји и 11 различни марки. Во просек, откриени се десет честички пластика со ширина поголема од човечка коса, односно над 100 микрометри (една милионита од милиметар). Паралелно, откриени се во просек 314 микрочестички на потенцијално микропластика за секој литар вода, со големина на секоја честичка од 6,5 до 100 микрометри, додека во некои други шишиња концентрациите на честички достигнуваа до 10.000 парчиња на литар. Најчест вид пластика во флаширана вода беше полипропиленот, оној што се користи и за пластичните капачиња на шишињата. Забележано е дека од 259 шишиња што беа проверени, само 17 не содржеа никакви траги на пластика! „Еден основен начин на кој пластиката може да ‘мигрира’ од шишето во водата е лошиот начин на складирање. Ако, на пример, се пренесуваат со отворени камиони или се чуваат на места каде што нема заштита од сонцето и температурата, тогаш супстанции наречени ‘пластикофикатори’ се пренесуваат во водата“, изјави професорот на Одделот за природни науки на ТЕИ Крит Костас Саввакис. „Секако, и самите потрошувачи треба да внимаваат. Пластичните шишиња не треба да се користат повеќе од еден пат, додека за жал во Грција многумина избираат да складираат во нив, вино, масло, ракија итн. Ова го зголемува ризикот од оштетување на пластиката“, нагласува К. Саввакис. „Очигледно е дека законодавството што постои во нашата земја треба да се применува буквално и од компаниите, но и од контролорските органи, како што е ЕФЕТ. Компаниите за флаширање се обврзани да имаат свежи анализи, додека недостигот на кадар во јавните служби не треба да биде изговор за евентуално непостапување според рамката на контроли што е предвидена“, дополнува професорот на Универзитетот во Патра Мих. Леоцинидис.

Повеќе од 90% од шишињата емфилирано вода содржат микроскопски парчиња пластика.

Микровлакна

Во исто време, друга студија, која исто така беше спроведена во САД, од организацијата Story of Stuff, која испитуваше 19 различни марки флаширана вода, исто така пронајде големо присуство на пластични микро влакна. Сепак, во овој случај, истражувачите тврдеа дека микропластиката се пренесува и преку воздухот, со што завршува во фабриките за флаширање и на крај “инвадира” во самите шишиња.

Со оглед на новите истражувања, високите нивоа на потрошувачка на флаширана вода во нашата земја предизвикуваат прашања за последиците што може да ги има честа консумација на микропластика во човечкиот организам. Иако професорите нагласуваат дека потрошувачката јавност не треба да биде опседната од паника, истакнуваат дека ризикот е реален. „Овие супстанции од пластика делуваат кумулативно во човечкиот организам, односно има значење колку често консумирате флаширана вода. Така, постои можност да влијаат на човечкиот организам, додека некои истражувања, кои не се потврдени 100%, зборуваат дури и за канцерогени ефекти“, завршува професорот од ТЕИ Крит К. Саввакис.